Layangan

ing tengah bulak
wayah ketiga ngerak
anteng mbrengengeng
kinubengan langit biru tanpa sesulak
mega putih tipis tipis
mesem krungu tembang kekidungan
ngundang barat gedhe ,ngancik wayah sore

tangan tangan kasar
ngelur kenur, dodogane mumbul
anteng mbrengenge sowangane
pak tani ayem
panggone bingar

srengenge angslup
layangan mudhun, warna peteng tumurun
cumanthel cagak, ngaglah
kasentor ublik katon gagah
pak tani bungah

iki kang daktemu ing kene, mitraku
ngundang layangan tanpa pamrih
benang lan kemenangan
oyak oyakan dluwang
ing kene layangan anteng, sowangan mbrengengeng
kenure senar tanpa gelasan
ana ndhuwur ajak memitran
apa kowe nate weruh

Bendo, akhir September 1972

Dening : Sri Setyo Rahayu

leer más...

Kere Pinggir Dalan

ing kutha tengah wengi
delengan sing padha turu gumletak
neng pinggir dalan

turu kepati
kinemul mendung kekancan ratri
saya bengi saya adhem
lan ati kekes dadi siji

jroning atiku nangis
ndeleng dheweke turu
ana ing dalan dalan
tanpa ana sing nggatekake uripe

bedhug subuh keprungu ing pungkasane wengi
sing padha turu kepati banjur tangi
amarga kawiyak sunaring srengenge
lan wis wayahe luru golek urip

dheweke iku padha karo kowe
nggolek pangan isuk lan bengi
tanpa migatekake wayah

anggitane   :  Dwi  Lestari  R

leer más...

GEGURITAN

Geguritan iku kalebu puisi gagrak anyar kang sifate bebas .Tegese geguritan ora kaiket pangeran tartantu .Kajaba iku uga bisa duweni titikan, ing antarane : ukarane endah lan cocog karo isi karangan .Tembunge pinilih ,mentes tur bisa nuwuhake wirama kang endah .Dadi yen kita arep nggawe geguritan ,kudu ngelingi bab-bab kasebut .

leer más...